- Samla støtte til bygde- og næringsutvikling (A + B) skal vidareførast med omlag same andel av ramma som opphaveleg og fordelast med 50 % til grendelaga (A) og 50 % til Andre bygdeutviklingstiltak (B)
- Under føremål B kan det gjevast støtte til større prosjekt som grendelaga normalt ikkje kan løysa åleine. Som ein peikepinn for søkjarar, vil styret for 2025 setja ei grense mellom små og store prosjekt på 400 000 kr i prosjektkostnad (inkl. dugnad og mva), eller når søknaden om støtte er på over 100 000 kr. Dugnadsinnsats i prosjekt med tippemiddelfinansiering skal verdsetjast etter reglane for slike prosjekt. I andre prosjekt kan det i staden brukast ein fast sats på 300 kr/t. Søknad om støtte til store prosjekt skal innehalda prosjektomtale, framdriftsplan og finansieringsplan som også viser støtte frå andre hald. Støtte til same prosjekt kan berre tildelast ein gong, men støtte til svært store prosjekt kan på visse vilkår tildelast i fleire år, eller når store prosjekt blir splitta opp i delprosjekt over fleire år. Stiftinga kan kalla inn søkjarar for å presentera store prosjekt. Stiftinga kan vidare be grendelaga om ei vurdering / prioritering av store prosjektsøknadar.
- Under føremål B kan det også gjevast støtte til prosjekt / aktivitet for opplæring i drift og utvikling av lag og organisasjonar.
- Støtte til drift av anlegg og forsamlingshus (C) skal fordelast med grunnlag i kapasitet / storleik, slik støtta i hovudsak har vore dimensjonert opphaveleg.
- Støtte til barne- og ungdomsarbeid (D) skal fordelast med inntil 250 kr per aktiv deltakar under 16 år. Til lag med liten aktivitet (mindre enn 6 arrangement i året) kan det gjerast avkorting i støtta med inntil 50 % ut frå regelen om lik sum per aktiv deltakar.
- Støtte til sogelag / kulturarvsarbeid (E) skal fordelast med grunnlag i aktivitetsplan og / eller prosjektbudsjett. Støtte til føremål E blir hovudsakeleg gitt til lag og foreiningar.